top of page

Pagnegosyo nin PNP uniforms, insignias ibabawal na kan LGU

Ibabawal na kan lokal na gobierno kan Buhi, Camarines Sur sa mga negosyante digdi siring kan pagpabakal asin pagigin envuelto sa pagtaje nin PNP uniforms, insignias asin iba pa kun mayong certificate of conformity.


Alagad ini estrictong iimplementar kan LGU oras na maaprubaran an propuestong ordinansa na pigtutulod ni Consejal Victor Ramon Carullo.


An propuestong ordinansa numerado 23-000 maagi sa proceso sa committee asin public hearing antes isunad sa en banc session.


An ordinansa maimploner nin penalidad sa mga masinutil na negosyante.


Napag-araman sa ibang opisyal kan PNP Provincial Office kan Camarines Sur nagpapabor sa lakdang na ini na dapat suportaran pa kan ibang LGUs sa paagi kan pag-adaptar kan ordinansa.


An lakdang kan SP Buhi nganing maibitaran an pagpabakal nin oniporme sa ibang mga pasaway na posibleng gamiton sa ilegal na actividad.


Nagtutubod an PNP na susuportaran kan miembros kan consejo nganing maprubran an propuestong ordinansa.

bottom of page