Pagpakusog kan peace and order council pigsugo na ni Mayor Legacion

Sa maabot na July 1, 2022 piglalaoman na an pagkaka-igwa nin re-organization asin recostituting kan peace and order council sa laog kan ciudad nin naga basado sa naging direktiba ni alkalde Nelson Legacion.


Sa pakikipaghampangan sa city hall presscorps, sinabi ni PSO Dir. Renne Gumba na kada quarter kan taon naconvene an poc asin bilang parte kan padagos na pagpapakusog asin tarabangan kan lokal na gobyerno, civil society organizations asin kan mga law enforcement agencies iyo an pagkaka-igwa nin pagbabago sa mga maturukaw na mga representante kan lambang miyembro kan POC.


Basado sa dilg memorandum, nagmamando sa POC asin miyembros kaini na maghaman nin three-year local peace and order and public safety plans o POPS na kabale man sa comprehensive development plan kan lokal na gobyerno kan ciudad nin Naga komo an peace and order and public safety saru sa mayor na aspeto sa pag-uswag kan sarung lugar asin komunidad.


Kabale man sa trabaho kan peace and order council iyo an pagrekomenda nin mga strategic actions or activities na an obheto iyo an pagpapa-orog kan peace and order and safety measures, kabale an anti-surgency asin anti-terror measures, rescue and response kun may kalamidad, anti-drug campaign asin iba pa sa laog kan ciudad.