Pagpatugdok nin classrooms yaon na sa poder kan LGUs, congresista

An problema sa kakulangan nin mga classrooms sa escuelas publica liwat nangyayari ngunian na school year 2026-27 alagad an pagpatugdok yaon sa poder kan mga lokal na gobierno asin congresista.

Kinumfirmar kan Department of Education (DepEd) sa pamamayo ni regional director Gilbert Sadsad na dai nahahale an kakulangan classrooms alagad mayo na sa saindang poder an pagpatugdok envez sa LGUs asin congresista.

Dai pa maaraman kun pera an kulang alagad saindang piglalaoman na an fondo yaon sa LGUs asin mga congresista.

Sinabi pa kan DepEd maabot na sa on milyon an mga estudiantes sa escuelas publica asin pribado na kinababalehan kan non-graded, senior high school, ALS, Kindergarden, junior high school, asin sa elementarya.

Ngunian na school year, pig-iimplementar na an bagong three-term school calendar. Niribayan si dating 4 quarter nganing makatutok sa pagtukdo sa mga estudiantes.

An sarong school year - 3 terms lang bako nang 4 quarters.

Term 1) June – September ; Term 2 ) September – December asin Term 3 – January - April asin June kan SY 2026-7.

Nagtutubod an DepEd na makakatabang sa mga paratukdo asin estudiantes an three term school calendar mantang tatawan nin prioridad an pag-adal.

Antes kan premirong aldaw na klase kan Hunyo 8, 2026 nagkaigua ngona sinda nin coordinating meeting sa LGUs, PNP, PAGASA, asin iba pang ahencia komo pag-andam sa burokasan nin klase.

Premirong aldaw nin klase, Hunyo 8, 2026 pigpapaliwanag kan school principal an iimplementar na three-term school calendar poon school year 2026-26. (Retrato cortesiya kan FB The Kingfisher& Sibid Sibid-BIKAL FS)