PAGPUTOL KAN MATAPO NANG POON NIN KAHOY: Heavy equipment kan DPWH bukas ipasoble sa LGU-Doloiras

An Camarines Sur 3rd Engineering District kan DPWH nagpahayag nin kaandaman na magpasoble kan saindang heavy equipment sa arin man na LGU na maputol kan mga peligroso nang poon nin kahoy nganing maibitaran si nangyaring trahediya kan nakaaging semana sa Brgy. Moriones, Ocampo, Camarines Sur kan biglang nagdapa an Acacia tree na naging dahilan nin pagkagadan kan duwang magtugang na taga Ciudad nin Naga.

Ini an mga pahayag ni District Engineer Romeo Doloiras kan DPWH, alagad kaipuhan magsurat sa saindang opisina sa Baras, Canaman, CamSur saka iguang nang permit hale sa Department of Environment and Natural Resources (DENR) na nagtutugot sa pagtol kan peligroso nang matumbang kahoy sa gilid kan tinampo.

An LGU Ocampo, CamSur tolos nagpa-inspeksyon sa saindang MDRRMO sa mga gurangan nang poon nin kahoy sa mga gilid kan highway maging sa centro nganing maaraman kun dapat nang putolon.

Naiintindihan kan district engineer na iguang ibang mga LGUs sa saiyang sakop na distrito na mayong heavy equipment na dapat matabangan sa tahaw na dakul pang mga antigo nang Acacia tree o iba pang klaseng kahoy an peligroso na dapat aramon an saindang kapusogan.

An nangyari sa Fuentebella Highway sa banwaan nin Ocampo nakaalerto man sa ibang mga LGUs maging sa Ciudad nin Naga. (Manny Basa)