PAGSUSPENDE NI PBBM SA RICE IMPORTATION: Sinikwal kan sektor nin paraoma sa Bicol

Sinikwal kan sektor nin paraoma an desisyon ni Presidente Ferdinand Marcos Jr. na suspendiron sa laog nin duwang bulan an pag-angkat nin bagas sa ibang nasyon nganing maglangkaw an presyo nin paroy sa panahon nin aranihan poon sa Septiembre hasta Oktubre 2025.

Propoganda sana yan ni Marcos huli ta bakong solusyon nganing mamantenir an halangkaw na presyo kan paroy nin paraoma mantang an nag-aasenso sana iyo an mga kumprador o negosyante.

Ini an mga pahayag sa entrevista kan Bicol Mail ni Regina Barbacena, lider kan Samahan ng Kababaihan Magbubukid ng Pilipinas (SKMP) sa Bicol mala ngani si presyo kan paroy sa saindang provincia hale sa dating P14.50 alagad sa ngunian P11.00 na envez magganansa an saindang hanap buhay paruro mantang an nakikinabang sana an mga negosyo. Sa Camarines Sur na tambobong nin paroy an presyo nagdadalagan na sana sa P10.00 hasta P12.00

Hagad ninda na magbaba an presyo kan abuno, banhe asin dakula an gastos ninda sa pag-oma alagad barato an presyo kan paroy. An haloy nang kahuroton iyo an tunay na reforma sa daga pera nang administrasyon iginigilid sana kan gobierno.

Dinagdag pa kan lider paraoma sa Bicol an pagtunaw kan Rice Tariffication Law sagcod sa ngunian puros sana pangako kan mga politico orog na kun panahon nin eleksyon dai man nangyayari.

An RTL inaprubaran na maging ley kan Febrero 2019 ni dating Presidente Rodrigo Duterte. An pagkakapasar kan ley enot nang pigdenunciar kan sektor paraoma huli ta nagpabagsak sa presyo kan paroy envez si mga negosyante iyo an nagpayaman.

Sa lado kan Department of Agriculture, dai palang nahahaloy nagtaong biyaya cantidad P7,000 sa 131,073 na mga paraoma sa anom na provincial sa Bicol dai palang nahahahaloy. An fondo hale sa Rice Farmers Financial Assistance (RFFA).