top of page

Pagtao nin ‘money garland’, magurang dai mapupugolan

Mayong pigmamando an Department of Education (DepEd) na bawal an ‘money garland’ mientras na ginigibo an graduation ceremonies alagad sa reaksyon ni Regional Director Gilbert Sadsad dai sinda nag-eenganyar mantang dai pueding bawalan an mga magurang.


Sa mga ginibong graduation ceremonies sa ibang mga escuelahan kan huring semana kan nagtalikod na bulan nin Mayo 2024 nauuso an ‘money bouquet’ alagad dakul an nagpapaabot nin negatibong reaksyon hale sa mga magurang maging sa social media.


Sa pahayag ni Sadsad sa Bicol Mail sinabi kaini, ‘‘We don’t encourage but we can’t also stop parents na nagtao nin money garland.’’


An opinyon kan opisyal kan DepEd kaparejo man sa panindugan kan ibang mga opisyal asin principal kan ahencia.


Nagtutubod an DepEd na mas marhay itao sa lugar kun saen an celebrasyon sa pagtapos kan estudiantes maiibitaran pa an mga negatibong reaksyon.


Sa mga graduation ceremonies kun igua man bilang sana an naggigibo kaini lalo na si mga may kayang familia huli ta dakul nakatapos naghingoha para sa saindang futuro.


Sinabi pa kan iba na pueding maging dahilan nin pagka-inggit asin malaen na tuyaw.


Pano man si magurang kan sarong estudiante na tikapo sa finansyal daing kakayahan makakua nin money garland.


An ibang opisyal kan PTA na nagsayuma nang magpamidbid nagsabi isipon an maabot na futuro asin kun magdadanay an arog kaining sistema makakarakot pa sa ceremonia.


Mientras tanto, padagos nang pig-aandaman kan DepEd Bicol an pagbubukas kan klase na mapoon sa Hulyo 29 ngunian na taon asin masara sa Abril 15, 2025.

Comments


bottom of page