Pagtunaw kan K12, “fake news”-DepEd Bicol

Sarong ‘’fake news’’ an nagluwas sa social media na tinutunaw na kan Department of Education (DepEd) an K to 12 (Mayo nang Grade 11 asin Grade 12) na ma-epektibo sa Hunyo 2025 o sa school year 2025-26.

Ini an mga paglinaw ni DepEd Regional Director Gilbert Sadsad sa tahaw kan mga kahapotan kan mga estudiantes magin magurang mantang nagrarani na an burokasan nin klase sa Hunyo 6, 2025.

Sa nagluwas sa social media sinabi na ‘’Ititigil na sa darating na Pasokan ngayong June 6, 2025, Matapos hindi na ito itutuloy ng DepEd. Sinasabing pahirap lang ito sa mga mag-aaral’’ an baretang ini sarong fake news, sabi pa.

An DepEd Bicol dai man nakarecibe nin formal order hale sa saindang opisina sentral.

An K12 program kan DepEd, nacrear sa paagi nin Congressional Act asin mayo man nangyaring ano man na debate sa congreso o nagsangat nin bill nganing tunawon na an sinambit na programa.

Kun igua man mga fake news sa politica huli kan eleksyon alagad nakakabale an DepEd na dai man ngani ninda pig-urulayan mantang nagrarani na an school year 2025-26.

Pakatapos kan midterm elections an pig-aandaman kan DepEd iyo an burokasan nin Klase sa Hunyo 6. Pagpakarhay nin mga classroom kabale sa saindang pigpapatrabaho sa ngunian huli ta dai maiibitaran na magkulang-kulang an classroom sa public schools.