top of page

PAIPIT SAKA KAMANG



Tigsik ko ining  pulitika

Anas sana po nin plata

Alagad mayo man nin porma

Pagtapos kan election, nganga!


Tigsik ko an honorableng Kagawad

Kan karampanyahan pirming ngarahab

Kan election, wow, siya pinalad

Ngonian, numero uno nang snob!


Tigsik ko an nakaagin pirilian

Nagwalat nin tiunay sa daghan

Tapos na lamang an birilangan

Pero dae pa nagtitirinohan!


Tigsik ko pa nakalihis na pirilian

Mga candidato OK na an ibahan 

Alipores na agit-agitan 

Dae pa nanggad natutunawan!


Tigsik ko an pirilian sa barangay

Kun an kapamilya mo dakol na maray

An laban mo medyo mahayahay

Dawa pasaway ka ika bobotohan!


Tigsik ko an laban sa barangay

Kun may paipit, tatao magkamang

Ciento uno porciento an kapangganahan

Honorarium mo pwede nang ipangutang!


Comments


bottom of page