Palarong Bicol ‘24 iwawarak sa apat na lugar sa Albay

Iwawarak sa tolong ciudad asin sarong municipalidad sa Albay an mga sports event kan Palarong Bicol 24 na pigtalaan kan Department of Education (DepEd) sa Abril 27 hasta Mayo 4, 2024.

Sinabi ni DepEd Regional Director Gilbert Sadsad an mga lugar iyo an ciudades kan Legazpi, Tabaco, saka Ligao alagad sarong event sa Travesia, Guinobatan, Albay.

Saro sa pagbabago huli kan epekto kan El Niño phenomenon an karawat dapat gigibohon amay na aga mantang igwa mga preparadong tubig inumon, medics.

Piglalaoman labi sa anom na ribo mga atletang Bicolano kabali an coaches hali sa manlaen-laen na escuelahan asin provincia kan rehiyon cinco nakatalaan magparticipar.

Nagpaluwas nin tres milyones pesos an ahencia para sa Palarong Bicol 24 nganing gamiton sa pagpakarhay kan facilidades sa classrooms na gagamiton kan atleta, electric fan, pagseguro kan tubig asin kuryente na dapat kumpleto nin comfort room saka karigosan.

Mantang padagos an ginigibong pag-andam igwa nang mga koordinasyon an ahencia sa mga LGUs, Philippine National Police, Bureau of Fire Protection, piling hospitals dangan iba pang ahencia tanganing magin preparado an gabos pati na sa seguridad kan atleta asin mga bisita.

Palarong Bicol 2023 na ginibo sa Ciudad nin Legazpi pig-aandaman na kan DepEd Bicol an Palarong Bicol 2024 sa apat na lugar kan Albay sa Abril 27-Mayo 4, 2024. (DepEd Bicol)