PANDIURAG na DRAMA

Tigsik ko ining babayeng ligwak 

Igua na pong bagong parakakak

Kadakoll tabi an naghahalat 

May rarabagon nin ref bako nang laptop!

Tigsik ko an pamana kan unanong si Gloria

Sa mga kurapto, hamagan sana

Wheelchair o neck brace, ay abaa na

Lugod, hagupon kamo kan wish ni Kara!

Tigsik ko an buswaon na si VP

Kan an warrant ibaba na kan Corte

Bako daa siyang safe, baka maremate

Nya! Maggamit nin Trust tanganing suwabe!

Tigsik ko ining ligwak an payo

An kukute pirming malasado

An pigbubuga kan rapak kun anuano

Turos an turnilyo! Takot sa sadiring anino!

Tigsik ko po ining dramarama

An paghuna mo totoo talaga

Alagad pangpa-beauty points man sana

Kawasa lapalapa na sa banwa!

Tigsik ko an pandiurag na drama kan duwa

Sinda Inday saka uto-utong Lola

An acting pang FAMAS talaga

Saginsagin totoo pero makasuka!