Pano an Proseso kan E-Notarization?

An pag e-notarize kan dokumento dae nangangahulugan na mapirma ka sana nin PDF asin ipadara sa notary public sa Messenger o email.

An e-notarization iyo an pagnotaryo nin electronic document gamit an sarong application o software na inaapod na Electronic Notarization Facility o ENF. An ENF dapat accredited kan Supreme Court bago ini puwedeng gamiton para sa e-notarization.

Kun client ka, an mga involved sa dokumento—an mga principal asin witnesses, kun igwa—dapat maggibo nin sadiring account sa ENF na pinili ninda.

May duwang paagi nin e-notarization.

Sa In-Person Electronic Notarization o IEN, kaipohan an physical presence kan client asin witnesses, kun igwa, sa atubangan kan Electronic Notary Public o ENP. Pero electronic an dokumento asin an pag-pirma. Dai kaipuhan na papel an gamiton.

Sa Remote Electronic Notarization o REN, pwedeng magkakasuhay na lugar an client asin an ENP, pero magkakahilingan sinda sa live videoconference. Bako ini ordinaryong Zoom o Google Meet session. An live video call dapat gibuhon gamit an videoconferencing facility kan Supreme Court-accredited ENF. Dapat live an interaction—bawal an prerecorded video kan pag-sign. Dapat man na pirming nasa camera view an client asin witnesses durante kan proseso.

Bago an notarization, ive-verify kan ENP an identity kan mga involved. Titiyakon man niya na boluntaryo an pag-execute kan dokumento asin na naiintindihan kan client an rason kaini.

Kun dai pa pirmado an document, pipirmahan ini kan client asin witnesses, kun kaipuhan, gamit an electronic signature sa atubangan kan ENP. Kun pirmado na an document, kukumpirmahon kan client na saiya an pirma asin na boluntaryo niya ini na-affix.

Kun remote, dapat an mga parties nasa Pilipinas habang ginigibo an notarization, asin ive-verify ini paagi sa geolocation function kan ENF asin sa pagdeklara kan parties kan saindang tunay na physical location. Igwa nin espesyal na exception para sa principal na nasa abroad na dapat nasa premises siya kan Philippine embassy, consular office, o opisina nin Philippine Honorary Consul, basta makumpirma kan designated officer an presensya kaini.

Pagkatapos kan proseso, an ENP malaag nin electronic notarial certificate asin electronic seal sa dokumento. An record kan notarized document ipapadara sa Supreme Court Central Notarial Database paagi sa ENF.

An e-notarization karagdagan sana na proseso, bako ini kapalit kan traditional notarization. Kaya valid pa man giraray an dating paper document asin handwritten signature.