Paraoma sa premir distrito kan CamSur igua nang RPS
Igua nang Rice Processing System (RPS) sa premir distrito kan Camarines Sur na namumugtak sa banwaan nin Cabusao matapos kan ginibong inagurasyon kan Miercules, Septiembre 16, 2026.
Ini an mga pahayag ni Lovella Guarin, opisyal na parapahayag kan Department of Agriculture sa Bicol. An RPS nagcacantidad nin P72-M na pigfundohan kan DA Philippine Center for Postharvest Development and Mechanization (PhilMech) sa lindong kan Rice Competitiveness Enhancement Fun (RCEF).
An RPS pigpasa na sa Camagon San Vicente Farmers Irrigators Association, Inc. kan Cabusao. Namumugtak sa Barangay Camagon, Cabusao. Si Noel Dawal, Presidente kan asosasyon iyo an nagrecibe kan certificate of award. An grupo nakatutok sa rice cultivation, na iguang 122 na paraomang miembros na makikinabang kan proyekto. Sinda an magmamanihar kan maabot sa 276 na hektarya nin kaomahan sa mga municipalidad kan Cabusao, kabale an iba pang mga banwaan kan District 1 kan Camarines Sur na kinababalehan kan Lupi, Del Gallego, Ragay asin Sipocot na iguang pinagsararong 6982.92 hektarya.
Sinabi pa kan ahencia na kabale sa mga facilidades o kagamitan siring sa heated air mechanical dryer na iguang 6-toneladang batch-type capacity, na nag-uusar nin biomas furnace asin petroleum-based fuel heating sysyem.
Huli kaini, pacil na sa mga paraoma na mag-alang nin paroy asin pagpamolino.
Presente sa inagurasyon an representante kan Philmech, DA Bicol RTD Lorenzo Alvina, BFAR Regional Director Ariel Pioquinto, Alcalde Jun Aguilar asin Congresista Hari Horibata.
Comments