PARTIDO BOULEVARD

Tigsik ko ining mag-agom na duwa

Haloy nang kasal mayo nin aki pa

Sa Tigaon nagbayle ki Santa Clara

Ngonian tsikiting sarong docena!

An banwaan kan tigsik tigsik ko

Enot sa distrito kan Partido

Madya na! Dagos na po kamo

VISITAHON TIGAON! Let's go Partido!

Tigsik ko an sakuyang gitara

Kinabray ko sa sakong pagharana

An puso kan jowa ko naranga

Ngonian kami mag-agom na, siram sana!

Tigsik ko an Isla kan Aguirangan

Hadaw ta Kun sakuyang natatanaw

May nagkukudot sa sakong daghan

Grabeng kapungawan an namamatean!

Tigsik ko an bukid kan Genorangan

Kan sakong inabot an kaitaasan

Puso, kalag tagob nin kaogmahan

Namare an totoong katalingkasan!

Tigsik ko ining paros habagat

Sobrang hayahay sa Partido Boulevard

Nagsusulok sa daghan Saka utak

Nagtalanhok sa bilog na kalag!