Pasyente sa Covid wards kan BMC nagbababa na

Dawa halangkaw an caso kan coronavirus disease sa Bicol alagad nagbababa naman an piglalaog na mga pasyente sa Covid-19 sa Bicol Medical Center (BMC) maging si mga health workers kan hospital an nagkaka-urumayan sa quarantine facility asin naglalaog na an iba sa saindang regular na trabajo.


Sa pag-atubang sa miembros kan media ni Dr. Joey Rañola, jefe kan Infectious Disease kan BMC sa saindang datus kun dating average na sangatos na pasyente sa Covid-19 alagad puon kan Enero 21 hasta Enero 23 igwa na sanang 67 admission na mga pasyente mantang igwa pang 47 pasyente sa Covid-19 wards.


Matapos kan halangkaw na casong piglalaog sa hospital na inaabot nin 100 daily average alagad padagos nang nagbababa an numero kan mga pasyente, sabi pa ni Rañola.


Igwa pang 158 nagtetenir sa hospital mantang nagbababa naman an utilization rate kan mga Covid wards, ISU, asin isolation facilities.


Alagad nag-aapelar an BMC sa publiko na dapat perming imantenir an minimum health and safety standard asin dapat dai maging tiwala kun hababa an mga caso sa hospital.


Sa Health Emergency Response Task Force kan City Hall, sinabi ni City Health Officer Dr. Vito Borja na kadakle kan mga Covid cases sa ciudad mga mild nalang an caso asin nasa on por ciento sana kritikal na pasyente.