PATAKOT SA UMA

Tigsik ko an buhay kan parauma

Anas sana sakit saka dusa

Presyo kan paroy makahibi na

An hayahay iyo an comprador sana!

Tigsik ko si Isidro Labrador

Haloy nang sarong aping kargador

Pigkanta an Boss sa Department of Labor

Pigsikadan, dae na nakabangon!

Tigsik ko man ining presyo kan ata

An kilo mas mahal sa paroy, abaa na

Ano na ining presenteng sistema?

Aw tian, balisngag na po baga!

An makaurag na sistema tigsik ko

Hababaon an presyo kan paroy por kilo

Pero an bagas mayong pagbabago

Nya, halangkaw man giraray, hadaw an ho?

Tigsik ko ining tosong comprador

Sa bodega nagtagong sinakong paroy

Naglinog, nagyugoyugo, makusogon

Nadatugan, pusi an tulak na butogon!

Tigsik ko an Patakot sa Uma

Nakabantay, magbanggi, mag-aga

Ukay-ukay an bado, bulwat an mata

May nakatugdon na agila sa abaga!