PATANID KAN PNP: Gun ban sa Naga poon Oct 19 hasta sa Nov 28

An Police Regional Office 5 asin Naga City Police Office magkatuwang an saindang mga awtoridad na maseguro an paz y orden sa panahon kan plebisito para sa Highly Urbanized City na nag-epekto an campaign period ngunian na Oktubre 19.

Alagad nangapudan an PNP na magparticipar an namamanuan kan ciudad nganing maaraman an saindang boses kun pabor o contra na maging HUC an Naga.

Sa pag-epekto kan plebiscite period poon kan Oktubre 19 hasta Noviembre 28, 2026 sainda man estrictong iimplementar an Gun Ban.

Nagpatanid an PNP sa publico na magsunod sana sa pagpangalan sa pagbitbit nin armas nganing mayong problema asin matuninong an panahon kan plebisito.

Sa Commission on Election kan Ciudad nin Naga padagos naman an saindang pag-andam sa paagi nin pag-campanya na magparticipar an mga botantes kan ciudad sa nakatalaan na plebisito sa Nobiembre 21.

Sinabi ni Abogado Maico Julia Jr., Election Officer kan ciudad na an Oktubre 19 hasta Noviembre 19, 2026 iyo an pagsikad kan Information and Campaign Period sa maabot na Noviembre 20, 2026 pinapangalad an campanya asin iyo man an pag-epekto kan liquor ban na dapat iimplementar kan PNP asin sa Noviembre 21, 2026 iyo na an aldaw nin Plebisito mantang kasabay digdi an liquor ban.