top of page

Paz y orden ngona antes pag-okag kan PDs, MPS

Iginilid ngona kan Bicol PNP an pag-okag kan mga provincial director asin municipal police station afuera kan naenot na PPO sa Masbate envez prayoridad na segurohon an paz y orden ngunian na panahon nin Pasko asin pagsabat kan Bagong Taon.


Igwa nang ibang provincial directors asin City Director sa Bicol na candidato alagad kaipuhan igilid ngona sa Enero 2024 mantang mas mahalaga an paz y orden alagad pig-aadalan ngona an mga marhay na naginibohan kan PDs asin jefe kan mga MPS.


Si P/Brig Gen Andre Perez Dizon, bagong magtukaw na acting regional director kan Bicol PNP nagsabi sa miembros kan media na prayoridad niya an paz y orden mantang saro siyang Bicolano.


An bagong RD nagseguro na an mga PPOs nakaandam na an saindang kapupulisan ngani preparado sa ano man na oras na pagresponde ngunian na panahon nin bakasyon asin pagsabat kan Bagong Taon.


Kabali sa agenda niya an kampanya laban sa ilegal na droga, seguridad sa Maharlika Highway asin ‘‘maximum police visibility.


Perang aldaw matapos mag-asumir bilang acting regional director niribayan ni P/Col. Van de Velde si PD P/Col Rolly Albana kan Masbate na pigdestino sa Regional Headquarters Unit-Regional Community Affairs and Development Division.


Si Dizon, sarong Bicolano hali sa provincia nin Sorsogon, miembro kan Philippine Military Academy’s Sandigan Class kan 1994. Saiyang niribayan si Brig Gen Westrimundo Obinque, na iyo na an bagong jefe kan Directorate for Research and Development.


Comments


bottom of page