PCol Dotimas bagong PD sa PPO CamSur

Jul 10

1 min read

Si Police Colonel Tyrone Dotimas iyo na an bagong PNP Provincial Director (PD) sa Camarines Sur matapos kan ginibong turnover of command ceremony kan Lunes, Hulyo 6, 2026 sa Camp BGen Simeon Ola sa Ciudad nin Legazpi.

Saiyang niribayan si Col. Virgilio Olalia Jr. mantang duwang taon nang serbisyo komo provincial director kan Camarines Sur. Sa polisiya kan PNP dapat duwang taon lang sa serbisyo sa sarong lugar antes ribayan.

Pinangenotan ni Police Brigadier General Erosito Miranda, Regional Director kan PRO 5, an seremonya sa pagribay nin bagong jefe kan PNP sa Camarines Sur.

An bagong provincial director nagserbe komo jefe kan Regional Learning and Doctrine Development Division kan PRO antes madestino sa PPO Camarines Sur.

Si Dotimas nagsabi na saiyang ipapadagos an campanya kan Bicol PNP laban sa mga criminal activities nganing maseguro an paz y orden sa provincia.

Saro na digdi an paglaban sa ilegal na droga na saro sa naghahasok nin krimen alagad kaipuhan niya an suporta kan comunidad asin mga lokal na gobierno.

Sa retrato sa too, si PCol. Tyrone Dotimas sa seremonya sa turnover of command sa Camp BGen Simeon Ola sa Ciudad nin Legazpi. (PNP Kasurog Bicol) — Sa retrato sa too, si PCol. Tyrone Dotimas sa seremonya sa turnover of command sa Camp BGen Simeon Ola sa Ciudad nin Legazpi. *(PNP Kasurog Bicol)*

Comments