Peñafrancia fiesta ginigibo sa ibang mga banwaaan sa Camarines Sur

Nagkapera nang mga banwaan sa Camarines Sur an nagkaigwa na kan sadiring bersyon kan Traslacion asin Fluvial procession kan nakaaging semana, solemne asin simple sana an selebrasyon

Sa maabot na Sabado, Septiembre 10 iyo an local version kan fluvial procession sa San Jose, Camarines Sur na dinadayo kan mga deboto ni Inang Peñafrancia hale sa mga barangay asin iba pang mga banwaan sa Partido area.

Traslacion procession kan Septiembre 2, 2022 sa San Jose, Camarines Sur. (LGU San Jose, CSur)

Kan Viernes, Septiembre 2 iyo an Traslacion procession kaiba an imahen ni Divino Rostro hale sa barangay Dolo pasiring sa Barangay Sabang.

Kairibahan sa prusesyon iyo an mga nasasakopan na barangay kan Parokya ni Padre Pio. Nag-participar sa prusesyon iyo an mga empleados kan lokal na gobierno asin iba pang ahencia.

Mientras tanto, lima pang mga banwaan an nagkaigwa kan saindang fluvial procession iyo an Del Gallego, Sagñay, Garchitorena, Bula asin Presentacion. (dpa)