Php7-M danyos sa sektor agricultura huli sa ‘shearline’
- Bicolmail Web Admin
- Jan 31
- 1 min read
Dakula naman si danyos sa sektor agricultura sa Bicol na nagsakat sa siete milyones (P7-M) pesos huli sa ‘‘shearline’’ kan nakaaging semana.
Pigbuyagyag kan Department of Agriculture (DA) sa paagi kan saindang regional spokesperson Lovella Guarin na apektado kan mga tubig baha si mga tinanum na paroyan, maisan, asin high value crops.
Apektado an nasa 1,774 mga paraoma alagad nagseguro an ahencia na matao liwat sinda nin libreng banhi nganing makataruk tolos.
Dakula naman si kalugihan kan mga paraoma matapos enotan nang inagihan kan bagyong ‘‘Kristine’’ kan nakaaging taon asin premirong bulan pa sana kan 2025 liwat naman nadestroso an saindang paroyan asin maisan sa tahaw kan naglalaom na makakabawi sinda ngunian na panahon nin saguli.
Maabot sa dos bilyones pesos si winalat na danyos ni ‘‘Kristine’’ sa anom na provincia kan rehiyon na iguang 35 mil na paraoma an apektado asin nasa 23 mil hektaryas na kaomahan na inabot nin tubig baha.
Naglalaom an paraoma kan marerecibing ayudang hale sa DA na tig-a P7 mil na ipihayag iwawaras ngunian na enot na cuarto kan 2025. An mga calificadong benipisyaryo labi sa 186 mil na rehistrado sa RSBA.
Comments