Pinag Oorolayan An Nathan Sergio

Ano igua si Nathan Sergio ta iyo an pinag oorolayan kan man iba - ibang kampo political na iyo daa an mabungkag kan Ubos kun Ubos. Sa mga independent candidates sa pagka konsehal sa Mayo 12, naglataw nang intero sa mga survey an pangaran ni Nathan Sergio ta haros kadakol na sektor an nag dadara ki Nathan Sergio. Base man sa paliwanag kan mga taga Naga sa kahapotan kun tano ta makusogon ngonian an kandidatora ni Nathan Sergio, saindang pinag saysay an nahaman ni Nathan kan ini yaon pa sa City Hall. An mga accomplishments iyo an mga minasunod: Pig resolberan an haloy nang direngkelan sa isyu nin land tenure sa paagi kan Kaantabay sa Kauswagan Program; Saiyang pig tugdas an Persons with disability affairs office o PDAO; Saiyang pinag institutionalized and Blood Donation Program; Saiyang pina dugangan an budget allocation para sa PWDs asin Serior Citizens; Saiyang pinag improve an mga dapat sunodon sa pag aprobar tanganing maging bagong subdivision, kaya nagresulta sa gulping bilang nin pribadong subdivision sa laog kan Naga City; Saiyang pinag facilitate an Almeda Highway, The Matiway Road, asin an Sabang-Mabolo by pass road; asin nagresibe siya nin kadakol na awards asin siya an nasa likod kaya gulping recognition an nakua kan LGU Naga.

Nagpasalamat man si Nathan Sergio ki Mayoral Candidate Toots de Quiros ninhuli ta sa sarong press conference, ipinag kuribaw ni Toots de Quiros an pangaran ni Nathan Sergio na saiyang pig babale sa saiyang ticket ta si Nathan iyo an makusogon na kandidato sa pagka konsehal, asin saiyang pinag mamalaki na makaibahan niya sa konseho si Nathan Sergio ta ini mahigos asin gulping aram na trahaho para sa ikaka asenso kan pag buhay kan mga taga Naga.