Pinakaenot na dialysis center sa Iriga dinadayo

Pigadadayo na nin mga dialysis patients sa Rinconada area an pinakaenot na Dialysis Center sa Ciudad nin Iriga nganing dai na madificilan na magviaje sa Ciudad nin Naga asin makakatipid pa sa flete.


Alagad sinabi ni Alcalde Madel Alfelor na igwa pang bakante sa edificio na digdi ibubugtak an MRI, City Scan asin Digital X-Ray.


Narealisar an dialysis center sa paagi kan private-public partnership na dapat haloy nang naging operational alagad naabala an instelasyon kan mga ekipahes huli kan pandemya asin iba pang calamidad.

Premirong Iriga City Dialysis Center dinadayo na nin mga pasyente sa Rinconada area. (LGU Iriga FB)


Igwang 17 digital dialysis machines na nagcacantidad nin P1.8 milyon an lambang saro.


Sinabi pa ni Alfelor makakatabang sa mga PWDs maging senior citizens asin indigent na igwang itataong discuento sa saindang babayaran asin dai pa sinda maabala sa viaje tipid pa sa flete makakalikay pa sa pandemya.


Kadakle kan mga dialysis center sa Camarines Sur yaon sa hospital sa Ciudad nin Naga maging sa ibang pribadong klinika. (Olive Pado)