top of page

PINOY in LONDON



Tigsik ko ining si Manay Tita

Sa duwang salog ini nagbangka

An mainom na singit nahilala

Nagbukaka, nagtihaya, malalata!


Tigsik ko man si Perpetuo Cerrado

Guminibo nin sadiring mundo

Solosolo sa langtad na desyerto

Kakawat an sadiring anino!


Tigsik ko si Amboy

Sa Pinas narutoy

Sa Tate’ nagpatuyatoy

Sa Kano nagpaatsoy!


Tigsik ko si Mundo Imperfecto

 Nasa kinaban, an hanap Paraiso

Dae nakua, an payo luminobo

Piglayog kataid ni San Pedro!


Tigsik ko si Goriong Maton

Kinudot kan daragang iraton

Nag-atungal garong karabaw na gutom

Angog nagbukol, buminotog an sipon!


Tigsik ko an empleadong Pinoy

Hanaphanap an pirak na uutangon

Nasa Pinas, pero taga London

Loan dito, loan doon, bilog na taon!


留言


bottom of page