top of page

PNP Bicol mawarak nin mga pulis sa BSKE

An Philippine National Police sa Bicol nagcierto mawarak sinda nin kapupulisan sa Barangay asin Sangguniang Kabataan Elections (BSKE) sa Oktubre 30 orog na sa 450 mga barangay na markado bilang ‘‘areas of concern’’


An Bicol PNP sa pamamayo ni PBGen Westrimundo Obinque nagpahayag na sainda nang pighanda an saindang tropa nganing maseguro an matuninong asin malinig na resulta kan pirilian.


Sinabi pa kan jefe kan Bicol PNP igwa na sindang direktiva sa anom na provincial director sa Bicol na dapat maging alerto sa barangay na posibleng igwang maghasok nin kariribokan sa eleksyon.


Kabali sa saindang pigsusuway-bayan sa ngunian iyo an abot sa 450 na barangay hali sa listahan kan Comelec Bicol sa paagi ni regional director Maria Juana Valeza.


Nagkaperang kategoriya siring kan ‘‘Red’’ na igwang 23 na mga barangay, igwa 312 barangay para sa Orange category boot sabihon nagkaigwa na nin enot na kariribokan sa eleksyon, mientras an ‘‘Yellow’’ igwa na dati nang mga insidente sa election- related asin posibleng igwang armadong grupo nin pulitiko, na igwang maabot sa 113 barangays.


An consideradong nasa hot spot igwa sa Albay asin Masbate na nasa Red category. Afuera pa kaini, posibleng igwa 23 na barangay na ideclara sa Piglalaoman na mas magiging mainit an mga aldaw nin karampanyahan poon sa Oktubre 19 hasta 28, 2023 na iyo an pig-andaman kan PNP.


Magsasarong fuersa an Philippine Army asin Philippine National Police sa rehiyon asin pigbali na an coast guard bilang mga deputized agencies kan Comelec.


Comments


bottom of page