PNP Chief Marbil liwat nagbisita sa Andaya Highway

Pakatapos kan ika-duwang inspeksyon ni PNP Chief PGen Rommel Francisco Marbil sa Andaya Highway sa Lupi asin Sipocot kan Camarines Sur, pigseguro ni PBGen Andre Dizon, regional director kan PNP Bicol na padagos nindang imamantenir an bulos sa trafico.

Ini sa ibong kan ginatos pang mga vehiculo pribado asin pampasajerong bus na pauroli sa Metro Manila matapos kan holiday season.

Sinabi ni Dizon na personal niyang pigmomo-monitor an pag-implementar sa directiva kan jefe kan PNP sa nasyon nganing mamantenir an bulos kan trafico.

Magigirumduman kan nakaaging Deciembre 2024 nagkagurubot an bulos sa trafico huli kan patrabajo kan Department of Public Works and Highway sa Andaya Highway asin sinabayan pa kan pagbagsak kan daga sa irarum kan koncretong tinampo sa Barangay Cabutagan, Lupi, Camarines Sur na nagkaigua nin one-way si bulos sa trafico.

Alagad sa ngunian nagkaigua nang solusyon an DPWH buelta na sa two way si dalagan kan mga motorista.

Pakatapos kan inspeksyon sa Andaya Highway si Marbil iyo an naging mayor na bisita sa ginibong blessing and inauguration kan bagong Camarines Sur PNP Provincial Office Chapel.

PGen Rommel Francisco Marbil, jefe kan PNP sa nasyon liwat nag inspeksyon sa Andaya Highway kan Enero 4, 2024 nganing maseguro an dalagan kan bulos nin trafico. Kaulaya niya si BGen Andre Dizon, regional director kan PNP Bicol. (PNP Kasurog Bicol)