PNP CSur nakaandam na sa seguridad sa Undas ‘25

Si P/Col. Virgilio Olalia Jr., Provincial Director kan PNP Camarines Sur nagpahayag na nakaandam na an saindang tropa sa manlaen-laen na mga Municipal Police Station nganing maseguro an seguridad sa Undas 2025.

Nganing maseguro an paz y orden gabos na MPS nagdestino kan saindang personajes sa kamposanto para macierto asin safety an publico sa pagbisita kan saindang mga sa mahal sa buhay na nagpaaram na sa kinaban.

Nagwarak nin police visibility sa terminal asin sa iba pang lugar para maseguro an dalagan kan trafico asin mapugolan an ano man na krimen.

An mga MPS nag-coordinar sa mga lokal na gobierno para sa pagmantenir sa paz y orden maging sa mga barangay.

Laen pa kaini, an mga barangay tanod katuwang kan PNP sa pagmantenir kan paz y orden.

Nagpatanid pa an PNP sa mga motorista, seguradohon an saindang gulong, preno, ilaw asin bastante an saindang gasolina.

Afuera kaini, igua sinda nin mga motorist assistance sa mga highway na nakaandam magtabang kun iguang remalaso sa saindang vehiculo.

ANDAM na an Philippine National Police sa pagpawarak kan mga personahes kaini sa enterong syudad nin Naga sa paabuton na undas, mala ngani igwa nin mga motorist asin police assistance desks an ilalatag laen pa sa pagtuwang sa traffic management asin checkpoints orog na sa mga boundaries digdi. (NCPO)