POCHOLO

Tigsik ko si Itoy Pilitoy

An bola pigparadribol

An tuhod nagparakoykoy

Aw, an tuhod nagkuruykoy!

Tigsik ko si Botbot Robot

Mayo man nin sadiring girok

Kun tinitikwil an lubot

Saka minahibothibot!

Tigsik ko ining si Sabel

Aki pa, sobra an tabil

Sa plaza binadilbadil

Nya! Nagbururak an ngabil!

Tigsik ko man si Batute

Sus, sa sobrang kapipili

An naagom sarong bungi

Daeng ontok an paghibi!

Tigsik ko si Puloto

An pamahawan tipo

Piglahidan nin tawyo

Nagparamutomuto!

Tigsik ko po si Pocholo

Dati sa laban mortogo

Kan pinalongan an payo

An pagsyapol daeng preno!