POLICE DIWATA

Tigsik ko an kapeng pulis

Sa dakol na beses gratis 

Pirming kargado nin hamis 

Remate an diabetes!

Tigsik ko an pulis pasaway

Dapat magbagong buhay

Sa saro mong kapalpakan

An mga toltol nadadamay!

Tigsik ko an pulis trapiko

Sinagi kan hadi kan tinampo

Pigsiwitan kan silbato

An dungo nag-aaso-aso!

Tigsik ko an pulis matulis

An pakaatado hipid

Pantalon tarom kan pligis

Nalulugad an mga chicks!

Tigsik ko an pulis  sobrang gabat

Maghunat pasadit kan tulak

Dapat mayo na nin unli-rice

Lingawan sobrang appetite!

Tigsik ko an Chief na oragon.   

Diwata daa an kalawgon

Baka mataraka an Pinoy.

Sa ICC si Kalbo saiyang dadarahon!