PPO CSur nagdistribuer nin 60 POC radios sa mga MPS

Tanganing estrictong maimplementar an 5-Minute Response Policy sa mga nag-aapod sa 911, an Camarines Sur PNP Provincial Office sa pamamayo ni PCol. Virgilio Olalia Jr. nagdistribuer nin 60 unit kan Push-to-Talk Over Cellular (POC) radios sa mga municipal police stations kan nakaaging aldaw.

Sinabi ni Olalia katuyohan kan dugang na facilidades sa kamunikasyon nganing ipaheling sa publico an saindang kakayahan sa marikas na mga pagresponde sa cinco minutos na response policy.

Ginibo an simpleng programa sa pagdistribuer kan POC radios sa Camp Col. Miranda, Camarines Sur sa Barangay Concepcion Grande, Ciudad nin Naga.

Nagcierto an PPO Camarines Sur dawa matuninong na lugar an provincia kaipuhan na pirming alerto an kapupulisan sa mga aksyon orog na sa paglaban sa ano man na kriminalidad kabale na an kampanya laban sa ilegal na droga.

Mientras tanto, nag-aandam an PPO kan saindang personajes nganing makatabang sa paz y orden sa maabot na Penafrancia fiesta mantang an Naga yaon sa laog kan CamSur.

Cada panahon nin Peñafrancia fiesta an kapupulisan sa Camarines Sur nagiging envuelto para sa seguridad kan mga nag-aarabotan na bisita hale sa manlaen-laen na provincia asin ciudad.