Presyo kan mga gulayon nagmarahal an presyo

Nagmarahal si presyo sa gulayon sa Naga City Public Market (NCPM) magin sa iba pang lugar na pigtutubodan huli kan dakulang destroso ni bayong Uwan sa agricultura.

Si Neptali Pabines kan NCPM nagkumfirmar na nagralangkaw an presyo nin gulayon sa mercado publico mantang dai man ini kabale sa dapat makontrolan kan gobierno.

Agrangay an consumedores alagad mayong magiginibo napipiritan na magbakal dawa tingi-tingi sana igua lang mabakal.

Igua man produktong gulayon hale sa upper barangay kan ciudad alagad kulang pa si ibang hale sa ibang municipalidad na nagbabagsak kan produkto sa NCPM, halangkaw man giraray an presyo. An nangyayari na patong nin presyo an sadit na mga negosyante digdi na an epekto nadagdag pa an presyo.

Maging sa ibang mga mercado sa pagtaraig na municipalidades kan Naga kaparejo man an problema sa mahal na presyo.

Mga gulayon sa mercado nagralangkawan si presyo mantang dakula si danyos sa agricultura sa rehiyon matapos maglamasa si bagyong Uwan. (BM)