PRO-5 nakaalerto sa protest rally contra kurapsyon

Nakaalerto an PNP regional Office (PRO-5) sa Kabikolan sa pamamayo ni BGen Nestor Babagay Jr. sa ano man na gigibohon na protest rally sa Septiembre 21 kan progresibong grupo asin iba pang sektor na masabay sa pang nasyon na protesta contra kurapsyon.

Igagalang kan PNP an hiro protesta na isasabay sa anibersyo kan martial law alagad kaipuhan maseguro an katuninong na dai makaka-perwesyo sa publico.

Digdi sa Bicol kun nagkakaigua nin mga protesta alagad matuninong na piglalaoman na paparticiparan pa kan jovenes, paraoma magin iba pang grupo.

An mass action nganing huroton sa gobierno na dapat castigohon an mga opisyal kan gobierno, politico asin kontraktor na envuelto sa mahiwas na kurapsyon sa gobierno.

Nagpaluwas man nin patanid an PNP na dapat segurohon na iguang permiso sa lokal na gobierno, dapat an ikukundusir na protesta dai makakaabala sa mga motorista, pedestrians asin dai mabalga sa leyes trafico asin gibohon sa tinutugotan na lugar siring kan freedom parks. Dapat aramon an police assistance desk saka first aid station.

An PNP mawarak nin mga awtoridad sa gigibohon anti-corruption rally nganing magmantenir sa paz y orden.