top of page

PROFETANG POLPOL



Tigsik ko an Paghukom sa mundo

Nuarin? An hapot kan mga tawo

Dae ta aram petsang eksakto

Mag-andam, magin preparado!


Tigsik ko si Unico Solitario

Sa mundo pirming solo-solo

Yaon duman sa desierto

An kaiba sadiring anino!


Tigsik ko an buhay sa mundo

Madali sana, apritado

Marhay na gawi saka gibo

Iyo an maroromdoman saimo!


Tigsik ko si Dario Partidario

Tios, mayong sukat sa mundo

Tinamaan milyones sa lotto

Kapamilya nanagin ribo-ribo!


Tigsik ko man si San Pedro

Gabos na tawo bistado

Aram an nasa Paraiso

Asin an yaon sa impiyerno!


Tigsik ko an profetang polpol

Natakot sa aldaw kan Paghukom

Tuminukad sa itaas kan  Mayon

Sa bunganga kan bulkan tuminugdon!


Comments


bottom of page