top of page

Programa sa pagpaharong kan UPPRDi dadarahon sa Bicol

Sarong grupo nin negoyaste sa Luzon, Visayas asin Mindanao na envuelto sa baratong housing program nakatalaan malaog na sa Ciudad nin Naga asin an proyekto sa bilog nin Kabikolan tanganing makatabang sa gobierno sa kaparejong programa sa tios man o ordinaryong familya.


An United People Progress Realty and Development (UPPRDi) na an saindang president Yahdodo Yistael Benei na rehistrado sa SEC asin igwang main office sa Brgy. Ambali, Ramon, provincia nin Isabela target an 200,000 housing cada taon.


Sa Ciudad nin Naga na mabugtak nin branch office na piglalaoman mapoon sa huring cuarto ngunian na 2023.


Si dating Consejal Julian Lavadia Jr. kan Ciudad nin Naga asin regional coordinator kan UPPRDi nagsabi na magian sa bulsa kan arin man na aplikante nganing pagibohan nin desente asin modernong harong na macantidad sanang P650,000.


An programa pacil an proceso dapat igwang kisiera minimum na cincuenta metros cuadradong lote na sadiri kan aplikante; ika duwa – puede nang magbayad nin on pesos aroaldaw; ika tolo – diez mil pesos na babayaran bilang reservation fee; ika-apat – P100,000 equity; ika lima – diez mil pesos na kontribusyon sa laog nin anom na bulan asin an korporasyon mapatukdok na nin harong na may hiwas o floor area nin cuarenta y dos metro cuadrado floor area.

Desinyo kan itutokdok na cuarenta y dos metro cuadradong floor area harong kan UPPRDi.



Sa kahapoton kun an aplikante mayong sadiring lote, sinabi pa kan UPPRDi puedeng magtabang an LGUs sa programang ini siring kan suporta kan lokal na gobierno sa Davao del Norte na madonar nin sagcod sa tolong hektaryang lote tanganing makatabang sa mayo pang sadiring harong.


Sa ngunian sa housing program kan gobierno nasyonal iyo an pagpatugdok nin condominium. An benipisyaro puedeng makaokupar nin 27 hasta 28 metros cuadrado mantang mabayad nin P3,600 cada bulan.


Alagad sa UPPRDi igwa nang sadiring harong, igwa pang lote nin 200 hasta 500 metros cuadrado.


Sa programa kan korporasyon dapat igwang tanuman nin gulay, atamanan nin manok maging origan na depende sa kagrogaring. (DA)

Comments


bottom of page