top of page

Progresibong grupo sa Bicol nagprotesta sa SONA ni PBBM

Sa tahaw kan maraot na panahon dawa yaon an Bagyong Egay pinadagos kan progresibong grupo sa Bicol an saindang protesta kasunod kan ika-duwang State of the Nation Address ni Presidente Ferdinand Marcos Jr. kan Lunes, Hulyo 24, 2023.

Nagkaigwa nin magkasuhay na protesta an grupo sa Ciudad nin Legazpi asin sa Ciudad nin Naga asin an saindang tema: ‘‘Pagkain at Sahod, Hindi Pasyal at Militarisasyon’’.


An protesta pigparticipar kan Gabriela, Damayan ng mga Paraoma, Bagong Alyansang Makabayan, Anakpawis, grupo nin trabajadores, sektor nin transporte asin jovenes. An grupo sa Naga nagmartsa hali sa kalabaan kan Panganiban Drive pasiring sa Plaza Quezon.


Afuera kan saindang tema saro saindang kurahaw iyo dugang sa sueldo sa pribadong sektor, pagbasura kan controvercial na National Task Force to End Local Communist Armed Conflict, asin an haloy nang pigkukurahaw na dapat magpasar nin ley para sa tunay na Agrarian Reform.


Si PSMS Tobias Bongon III nagpahayag na heneralmente naging matuninong si protest rally mantang nagdestino sinda nin miembros kan Naga City Police Office sa Plaza Quezon.


Nagpasalamat man an NCPO sa matuninong na protesta sa tahaw kan raot nin panahon huli sa Bagyong Egay.



Comments


bottom of page