Progresibong grupo saludo sa opisyal kan PNP na babysitter

Sa halipot na oras biglang naging nanay an sarong opisyal kan PNP na dai nagduwa-duwa kinua an sarong bako niyang omboy na nagpaparahibi nganing padidion.

An Bikolana Gabriela nagpahayag kan saindang kaogmahan asin pagmidmid sa police officer na nagpa-kapwa nanay asin an saiyang aktuasyon namatian an pangangaipo kan anom na bulan na omboy envez na magbakal gatas saiya na pinadide.

Si Jen Nagrampa, pamayo kan Bikolana Gabriela nagpahayag na saindang pigrerekonesir an pagiging biglang naging nanay ni M/Sgt Catherine Surban kan Virac Municipal Police Station sa provincia nin Catanduanes.

Naherak an pulis sa omboy na namate niyang nagugutom kinua sa nagkakargang ama na nagsosombong sa Police Station na binayaan kan ina an saindang omboy.

Saiya pang sinabi na sa panahon ngunian na pandemya kaipuhan an pagtarabangan, suporta moral, maging materyal.

Dakulang bagay an pagmalasakit kan police officer mantang mayo man nin karibay envez suporta sa inocenteng omboy nin huli ta saiyang pigtawan nin halaga an buhay kan omboy.

Ngunian na pandemya kadakul nagtitirios na familia dapat parikason kan DSWD an mga dapat na ayuda asin vaccination program kan gobierno nasyonal.

An incidente nangyari kan Hunyo 19 na tolos man nakaabot sa karaman ni PNP Chief Director General Guillermo Eleazar asin nagpaabot nin pagrekonesir ki M/Sgt. Surban. (DPAureus)

P/Master Sergeant Catherine Surban of Virac, Catanduanes. (PNP Virac)