Progreso Agrikultura ni Hector Sales

Nagbalik sa sakuyang memorya an Apelyido ni Dr. Hector Sales ta aki siya ni Tiyo Tino Sales, na iyo an Chief Telegraph Operator kaidto kan RCPI na an trabaho iyo an Morse Code. Si Tyo Tino iyo an samuyang pirmeng kaulay ta pareho kami tatao sa Morse code kaidtong mga taon 77 ta ako sarong empleado kan Clavecilla Radio System asin naoogma kami na saro sa aki ni Tyo Tino kandidato sa pagka konsehal sa Naga asn sa pangaran ni Dr.Hector Sales.

Haloy nang pinag sasabi kan mga matitibay na siyentipiko asin mga madudunong na lideres nin nacion, na an Pilipinas mas maasenso kun mafocus sa linya nin Agricultura ta an Pilipinas sarong Agricultural land na Sagana sa pag producer nin mga pagkakan na iyo an mayor na kaipuhan kan gabos na tawo sa kinaban. Si. Dr. Hector Sales, nagdadalagan bilang independent councilor sa katuyuhan na gusto niyang ma iambag sa Naga an saiyang kaaraman sa linya nin agrikultura. Si Dr, Hector Sales sa presente sarong Independent Consultant to Foreign and Local Funded Projects.

An saiyang mga qualifications iyo an mga minasunod: Agricultural and Biosystems Engineer; Nagi siyang Regional Executive Director kan Department of Agriculture; Inagihan niya man an pagiging; Provincial Agricultural Officer; Asst. BIA RC Manager; Agricultural Technologist sa DA Region 5; Program Officer sa Farm Systems Development Corporation FSDC; Technical Asst./Agricultural Engineer – Bicol Experiment Station DA-BPI; Visiting Professor to Bicol University, University of Nueva Caceres and University of Sto. Tomas – Graduate School; Current Part-time faculty of Ateneo de Naga University Graduate School; Naga College Foundation teaching Public Finance, Business Administration Education, and Project Management. Gusto ni Dr. Hector Sales na maiambag sa mga taga Naga an gabos niyang pinag adalan kun kaya an saiyang slogan sa pagkampaya bilang konsehal iyo a Kakanon, Klima, asn Kapalibotan.