Proteksyon sa sadiri maninigo sa sobrang init, sabi kan DOH

Sa tahaw kan El Niño sa ngunian an Department of Health Bicol CHD nagpatanid sa publico na dapat pasegurohon an saindang sadiri laban sa sobrang init nin panahon.

Ini nganing maibitaran na atakihan nin ‘’heat stroke’’ mala ngani nagkapera nang caso kaini na dinadara sa mga hospital. Iguang sarong pasahero na hale sa Partido Area na naglunad sa bus asin pagbaba dai nahaloy inatake nin heat stroke dinalagan pa sa BMC alagad binawian man giraray nin buhay.

Sinabi pa kan DOH Bicol na kun iguang naheheling na malaen an saindang mate sa posibleng heat stroke, mag-apod tolos sa National Emergency Hotline nganing madalagan tolos sa pinakaharaning health facility o sa hospital.

Sinabi pa na importante an proteksyon sa sadiri para sa seguridad sa saindang salud.