Proyekto sa Naga Airport masikad na sa Sept 2025
- Bicolmail Web Admin
- May 31
- 1 min read
An haloy nang plano sa pagpahiwas kan runway kan Naga Airport sa Pili, Camarines Sur nakatalaan nang magsikad an Phase 1 sa Septiembre 2025.
Ini base sa pinaluwas na kumfirmasyon sa social media kan Civil Aviation Authority of the Philippines (CAAP) na kabale sa proyekto iyo an bagong desinyo sa edificio kan erepuerto.
Sinabi pa an disenyo ginibo ni Estelito Jacob na inaapod na ‘‘Magindara’’ na bako sanang sa katuyohan na magkaigua nin regular na viaje envez pagpaheling kan Kulturang Bikolano sa mga pasajeros, sabi pa kan CAAP.
Magigirumduman an proyekto perang taon nang plano kan Department of Transportation and Communication (DOTC) huli sa controvercia sa mahiwas na daga nin paraoma alagad marerealisar man giraray ngunian taon.
Huli ta apektado an viaje, an mga pasajeros na hale sa Camarines Sur nagpapasiring pa sa Bicol International Airport sa Daraga, Albay nganing digdi maglunad sa eroplano.
Comments