PSO-Naga, andam balik eskwela ngonian na bulan

Tangarig mapakarhay an bulos kan trapiko orog na ngonian na bulan, papaabuton an balik eskwela sa mga pampubliko asin pribadong eskwelahan digdi sa Naga, andam na an public safety office sa pagmanehar sa bulos kan trapiko orog na sa kalabaan kan Peñafrancia ave. na kun saen napapamugtak an mga darakulang eskwelahan.

Segun ki public safety office head Renee Gumba, nasa singkwentang mga public safety enforcer an iwawarak sa mga eskwelahan sa naga tangarig mag mando sa trapiko asin laen pa digdi an traffic enforcement team kan naga city police.

Segun pa ki Gumba, maigut man na ipapasunod an pag enforsar kan mga traffic ordinance kan syudad orog na sa mga loading and unloading area asin an mga behikulong mayo sa mga designadong paradahan tangarig dae ini maka-olang sa bulos kan trapiko orog na sa agihan kan tawo pag burukasan kan eskwela.

Nangapudan man ini sa mga paratukdo sa mga eskwelahan na ipasabot sa mga estudyante an tamang pag balyo sa mga pedestrian lane.