PTA pabor sa aksyon kan DepEd na haleon an MAPEH, DRRM Parade

Pabor sa mga magurang an desisyon kan Department of Education (DepEd) asin sa kumfirmasyon ni Alcalde Leni Robredo sa recomendasyon na cancelaron na an CTP-MAPEH asin DRRM Parade sa gigibohon na Peñafrancia Festival 2026.

Sinabi kan ibang opisyal kan Parent Teachers Association (PTA) na nagsayuma nang magpasambit kan saindang pangaran na pinapaboran kan mga magurang an cancelasyon sa sinambit na parada mantang dai na sinda magastos sa gagamiton na bado sa tahaw kan desisyon kan DepEd na tawan prayoridad an pag-adal kan mga estudiantes.

An DepEd Naga sa pamamayo ni School Division Superintendent Susan Collano nagsabi an cancelasyon kasunod kan pag-implementar sa directiva kan DepEd Central Office sa Three-Termer School Calendar 2026-27 na nagbabawas sa mga actividades sa mga escuelahan nganing tawan nin prioridad an pag-adal kan mga estudiantes.

Sinabi pa kan PTA tama an desisyon kan DepEd mantang dakul nagagamit na aldaw asin oras sa pag-andam nganing makaparticipar sa parada. Huli kaini, tatawan nin prayoridad an pag-adal na pabor sa mga estudiantes na pag-andal an saindang dapat gibohon.

Perang taon na an ginigibong participasyon sa parada kan mga escuelahan sa bako lang si hale sa Ciudad nin Naga envez sa iba pang mga escuelahan sa Kabikolan na kadakle sa kabale sa escuelas publica.

Maging man an ibang paratukdo nagsabi na pabor sinda sa aksyon na ini kan DepEd na bawas man sa saindang abala sa oras na agang amay naluwas nganing ibahan an saindang estudiantes para sa paghanda sa parada.