PU-LI-TI-KA

Tigsik ko an duwang nagliliderlideran

Sigeng pahiling kan saindang kauragan

Mga kampon kan diklom saka kararatan

An piyerde iyo po an namamanwaan!

Tigsik ko ining karampanyahan

Nagpoon na an sa lado local

Maconsuelo an mga kauragan

An paipit pighahalat na sa barangay!

Tigsik ko an caregiver na Tugalsik

Pig-aabhaw an Malasakit

Partner an gurang na malupit

Parehong sablok sa milyones na raket!

Tigsik ko an ngaran na pagboto

Saro po ining gawing sagrado

Pilion toltol na candidato

Isikwal itong mga estupido!

Tigsik ko an ngaran na pagkandidato

Kun gusto mo tabing ika trangkilo

Nunca mong itapsok an sadiri mo

Mga bata mo iwawa’ sa publico!

Tigsik ko ining pulitika

Pu-puputikan ka, kaya maglikay ka

Li-lilingawan ka, iguang amnesia

Ti-titikason ka malang buaya

Ka-kakanan ka, maraya ka pa!