PUSONG MAMON

Tigsik ko an alalay na ugok

An among sa kalaboso nalangog

Aw, ngonian pirmi na sanang rokrok

Kawasa mayo na siyang kasurog!

Tigsik ko man ining si the Bad One

Hadaw ta mayong kararayaan?

Mabuwelta giraray sa kulungan?

Anong siram an dae malingawan?

Tigsik ko an sagin banal

Gabos Diosnon an pigtaram

Pero bilyon an kinamkam

Gibo anas pagpayaman!

Tigsik ko an maurag na Bicolano

An kinulimbat na pirak paldo

Ngonian patagotago na sa mundo

Pigbabangungot kan sadiring anino!

Tigsik ko an maabot na Pasko

Dakol na mga Pinoy ogmado

An hapot ninda parepareho

Pirang curapto an makakalaboso?

Tigsik ko an puso kan Pinoy

Madaling maranga, malumoy

Mayumhokon, garong mamon

Kaya kun election nabubudol!