RD Babagay tinawan onra kan LGU Iriga

Tinawan onra kan lokal na gobierno kan Ciudad nin Iriga an Bicolano asin aki kan ciudad na ini si BGen Nestor Babagay Jr. sa pamamayo ni Alcalde Rex Oliva kasabay kan ika-57 anibersaryo kan ciudad kan Septiembre 10, 2025 bilang pagmidbid sa pagkaka-nombra sa saiya bilang regional director kan Philippine National Police Regional Office V (PRO-V).

An onra sa paagi kan pinasar na resolusyon 2025-020 kan Sangguniang Panlungsod sa pamamayo ni Bise Alcalde Edsel Dimaiwat na saindang inu-orgulyo an Bicolanong heneral na tubong Ciudad nin Iriga na saindang pig-oomaw an mga naginibohan asin dedikasyon sa serbisyo publico. An saiyang mga acomplisimiento nagdara nin pag-orugolyo asin pangaran kan saiyang ciudad.

Sinabi pa kan SP na huli sa ipinaheling kaining marhay na serbisyo sagcod na maging halangkaw na opisyal kan PRO-5.

An mga Bicolanong miembros kan PNP naoogma man sa pagkakadestino digdi sa Bicol huli ta aram kaini an cultura kan rehiyon.

Si Babagay nakatalaan magbisita man sa Ciudad nin Naga nganing magsungko sa kafiestahan ni Nuestra Señora de Peñafrancia.

An PRO-V mapadara nin labi sa dos mil na augmentation force nganing magmantenir sa paz y orden ngunian na traslacion asin fluvial procession ki Ina.