Red tide sa ‘‘shellfish’’ sa Masbate, nagdadanay - BFAR

Liwat nagpatanid an Bureau of Fisheries and Aquatic Resources (BFAR) sa publico na nagdadanay pa an red tide sa Milagros, Masbate base sa pinakahuring pinaluwas nindang advisory.

Sa kumfirmasyon sa Bicol Mail ni Ms. Noni Enolva, information officer kan BFAR Bicol, sa Shellfish Bulletin No. 2 series of 2023 kan Enero 16, 2023 nagpaluwas giraray kan kaparejong patanid sa tahaw kan apektado pa sa toxic red tide an coastal waters kan Milagros sakop kan provincia nin Masbate.

Alagad sa tolong monitoring areas sa rehiyon Bicol mantenido na libre pa sa toxic red tide an mga minasunod; 1. Sorsogon Bay, 2. Juag Lagoon sa Matnog, Sorsogon, asin 3. Coastal waters kan Mandaon sa Masbate.

An shellfishes na nakolecta asin na-testing hali sa coastal waters kan Milagros, Masbate; Sapian Bay, coastal waters kan Roxas City, Panay, President Roxas, asin Pillar sa Capiz, coastal waters of Dauis asinTagbilaran City sa Bohol; Irong-Irong, asin San Pedro Bays sa Samar.

An gabos na alamang na hali sa sinambit na mga lugar nagluluwas na bakong ‘‘safe’’ nganing konsumohon, sabi pa kan BFAR.

An ahencia nagpatanid man sa mga mercado na dai magpabakal kan sinambit na produkto hali sa Milagros, Masbate asin iba pang lugar base sa pinaluwas na advisory.

Binabawal man an pagtransportar sa ibang mga provincia mantang igwa nang nakabugtak nin check-point.

An kawaran nin suplay nin tahong hali sa Masbate, nakadagdag man sa pagkulang-kulang suplay nin tilapia sa Camarines Sur mala ngani mahal na an presyo nagcacantidad na nin P180.00 cada kilo. (dpa)