Register Anywhere program balik na sa opisina kan Comelec

Kasunod kan duwang aldaw na pagsikad kan Special Satellite Registration Anywhere Program (SSRAP) kan Commission on Election sa Ciudad nin Naga asin Pili, Camarines Sur kan Febrero 22, 23, 2024, nagpapadagos na aroaldaw sundo sa Septiembre 30, 2024.

Ginatos na mga aplicante na mapalista an nagruso sa lugar kan SM City kan Ciudad nin Naga asin Central Bicol State University of Agriculture (CBSUA) sa Pili, alagad poon kan Febrero 26 ginigibo na sa opisina lokal kan Comelec.

Sa programa ini kan komisyon an mga botante tutugotan na magrehistro sa Comelec Office na dai na kinakaipuhan magbuelta sa saindang pig-eerokan kun sain sinda maboto sa eleksyon.

Afuera kan pagpalista, an botante puedeng mag-aprubetsar kun sain sinda mabalyong rehistrasyon, nganing magpa-activate, magribay kan saindang status o update kan records.

Si Abogado Maico Julia Jr. Election Officer sa Ciudad nin Naga nagpahayag digdi sa Camarines Sur nagkakaigwa sana kan Register Anywhere sa ciudad saka kabesira kan provincia.

An Naga asin Pili, Camarines Sur kabali sa mga urbanized na ciudad asin municipalidad na napili kan komisyon nganing magkaigwa digdi kan SSRAP.

An sinambit na programa an arin man na botante na nagtatarabajo sa rehiyon Bicol puedeng magrehistro sa Mindanao o sain paman na lugar .

Register Anywhere kan Comelec sa Pili, Camarines Sur sa primerong duwang aldaw ginibo sa Central Bicol State University of Agriculture – Pili Campus. (Comelec Pili)