top of page

REJECT SA PARAISO



Tigsik ko an init kan banggi

An daradara nakakarindi

Sobrang harasahas panremate

Bawas pogi points sa kapareho mi!


Tigsik ko sinda Mister en Misis mismo

Dae tabi magkawat nin kalayo

Kun magkasulo an harong nindo

Maarab-adab garong impiyerno!


Tigsik ko dakol na mga tawo

Pigngingiŕitan na an impiyerno

Kawasa sinda duman trangkilo

May music na saka aircon 


Tigsik ko kitang mga Pinoy

Sa mainit na kape adik-adikon

Aga, banggi, udto, maghapon

Limang tasang kape kayang higopon!


Tigsik ko si May Kaday

Grabeng alingahot an namatean

Mayong panty, nagbukaka’ sa electric fan

Nakahuyom, hayahay an buhay!


Tigsik ko si Santy Santilmo

Sarong maanab na tawo

Pag-atubang ki San Pedro

Pigpasa sa nakangirit na Diablo!


Comentarios


bottom of page