Rep. de Lima, guest speaker sa Casureco III AGMA

Ciudad nin Iriga --- Si Representante Atty. Lelia de Lima kan Mamamayang Liberal Party-list iyo an juespe de onor sa nakatalaan na Annual General Membership Assembly (AGMA) kan Camarines Sur III Electric Cooperative (Casureco III) sa Hunyo 27, 2026 sa CSPC Gymnasium, Nabua, Camarines Sur.

Si De Lima nagkumfirmar na sa Casureco III na makakaabot siya sa AGMA mantang saro siyang Bicolana na tubong Ciudad nin Iriga, dating senador asin bantogan na human rights advocate.

Nagpasalamat an manijamiento kan cooperativa ki De Lima huli ta saro siya sa nagtabang nganing matawam liwat nin 25-taon na franquicia an cooperativa nin electricidad sa Rinconada area, na nakalusot na sa Camara-Baja.

An AGMA saro sa mayor na katuyohan nganing matawan nin panahon an miembros consumedores na makaparticipar sa ano man agenda para sa manihamiento asin consumedores.

An juespe de onor piglalaoman na mataong mensahe sa pagpa-asenso kan cooperativa asin servicio sa consumedores orog na an mapadapit sa cooperatibismo.

An Casureco III dating nag-aatubang sa problema pinansyal alagad sa ngunian nakabangon man giraray sa tabang kan personahes kan National Electrification Administration asin kan ibang mga consultant.