Reunion na naman!



Garong mag turugang na nalipungaw sa lambang saro kan liwat mag tiripon an mga magkaklase sa haiskul, ta iyo ini an pagmati sa mga reunion ngonian na medyo naglululmbay na an pandemya. Makaka ruluwas na naman ang mga senior citizen makalihis an haros sobra sa duwang taon na pag tener sa sala, kuarto, balkon asin natad ta nag lilikay ki kobid deci nuebe. An samuyang CSNHS batch 74 nag testing na kan tiripon na inaapod “Mini Reunion level One” na pig gibo sa malipot asin magayon na lugar kan Condes Kitchen sa likod kan Win Win Mall (an lugar hawig sa m-plaza, kadakol tawo, gulping night spots asin on going an improvement). Sa alistong pag lista asin pag asikaso ni Leader Arlene Bongat Barias, uya an mga nag arabot sa ginibong mini reunion: Andrew Diez, Roseller Lomeda, Ed del Puerto (new name is Eddie Mc Port), Carlos Dizon, (Singer, soon to launch his first single), Bert de los Martirez, Alda Susan Canlas, Naidy Ros Abella ( Tall and Beauty ) , Edna Punzal, Don “ric” Penolio, Vicente enteng Garchitorena (comic), Precila Evangelista Yanga, Acelita Casili, Arlene Bongat Barias, Matet Rosales R oy (amay nag puli ta maluto pa nin pamangihan sa familya), Sylvia Torres Bañes, Fe Motos Pillogo, Oscar V. Moreno (stayed for a while ta may family reunion sa Pasacao) Siempre, an pinag urulayan iyo an mga kaklase na dai nag abot sa tiripon ta an iba iguang nainot na appointment, an iba yaon pa sa Manila, Abroad asin an iba busy pa sa pag bantay sa mga makuapo. Nasambitan an haloy ng dai nag balikbayan ni US Based Marianne Llagas (batch valedictorian). Maski nag ngingirisi, nagsusurubahan, maorogmahon, iguang punto haros gabos kami mapaluha sa pag tubod na mantang nagaagi an mga aldao, kami sa CSNHS Batch 74 nagiging dayupot sa kada saro ta kaming magkaklase an mag kukurumustahan tangani sanang maging maogma an buhay. An sunod na tiripon asin dakul an maatender iyo sa April 9, Sabadod, sa Al Fresco Farm Resort, Km. 11, Brgy. Carolina harani sa harong ni Sylvia Torres Banes. Kanya kanyang dara nin masisiram na luto asin pig lalaoman an lechon baboy damo ni classmate Victor Brazal na iguang farm sa Brgy. Pacol.


Sa ibang istorya nin Reunion, nagsisibot si Lolo Apiong kan Pili na apodan an mga kaklase niya sa Camarines Sur High School Batch Post War. Si Lolo Apiong, dara nin kagurangan, naka sugkod, maluya na an pag hiling, alagad interesado pa sa Reunion. Arog kaini an pangapodan ni Lolo Apiong: Hoy mga kaklase ko sa High School kaidtong pagkatapos kan giyera, na an satuyang mga maestro ngani mga amerikano pa pinapa isi daa kita ni Ramon na may tiripon kita sa Gota Beach duman sa Caramoan . Libre an gabos, libre lunadan, libre kakanon na satuyang paghahamlian, arog kan inasal na darakulang pugita, inasal na gurang na vaca asin damulag, mapulot na sinuman, inasal na malasugui, may pandulce, arog kan pag pa’ngus nin mahamit na tubu , may mga imported na inumon asin may pulutan na dinuguan na lamang loob bagay sa kalyo, kalderetang kanding asin maharangon na bicol express. Ano mga kaklase ko, maarabot kamo? Mag girirong man daw kamo? Ano yaraon pa kamo o marayo na? Pero halat muna, siisay ini si Ramon? Tanda pa nindo ini? Ay inda, ribong ako, nalulula na pati ako, kakaisip.. mayo na akong magiromdoman?


Pangapodan sa Santa Cruz Elementary School (SCES) Batch 69, madya na kamo, mag reunion kita: Manolo Ilao (Vancouver), Juan Alden (UK), Toyong Salvador (Progress Homes) Ofelia Ojeñar (nahiling daa sa Quipayo), Nap Pacao (Bagumbayan Norte) Henrietta Arroyo, Cynthia Largado Azuela ( QC) Ella Lane Cabanos Ardiente (Manila) Domingo Baculay (Padjakero Kanto Arana), Cesar Olivera (Olivera Brothers Singing Trio ) Josefina Mojico Sabdao, Eugene Arrmea ( Retired Postman), Leonardo Guisic ( Sto. Domingo Calabanga), Onofre Palomar ( Manila ) asin an samuyang Valedictorian Marilyn Arroyo Avengoza (LA USA)