RIBONG AN BALANAK!
- May 22
- 1 min read
Tigsik ko an mga maurag sa Senado
Naggibo nin makaurag na konsyerto
An lead singer si Senador Kalbo
Na- wrong timing dikit pang maaresto!
Tigsik ko si Kalbo sarong kubarde
Linapag kan mga NBI na ahente
Isus, isus, an kutipas pwerte
Nakatiriris sa sulot na panty!
Tigsik ko an urag-uragon na Kalbo
Grabe an takot sa sadiring anino
Tibaad maaresto sa Senado
Tobats, tago ka sa pozonegro!
Tigsik ko ining si Nyak Arngota
Ipapaputol daa an patotoy niya
Nuncang maaresto an Kalbong idol niya
Impossible! An yaon saiya tilapia!
Tigsik ko po an Senador na kalbo
Biglang nagbutwa duman sa Senado
Pandagdag sa boto ki Kaldero
Mga Tsinador balisngag an payo!
Tigsik ko pa an Senador na tonto
Kan nagtago pighanap kan publico
Kan biglang nagbutwa hale sa Pluto
Habong palaogon duman sa Senado!
Comments