top of page

Road clearing operations sa brgy mandato kan DILG

Yaon sa poder kan mga Barangay Council an pag-implementar kan ‘'road-clearing operations’’ (RCOs) sa saindang area of responsibility base sa mandato kan Department Interior of Local Government (DILG).


Alagad kun yaon an presencia kan personajes kan Public Safety Office (PSO) huli ta naghahagad nin suporta an barangay para sa enforcement asin maimplementar an directiva kan DILG.


Ini an piglinaw ni PSO Executive Director Renne Gumba kan City Hall sa tahaw kan pagsinutil kan ibang mga kagsadiri kan ilegal na estraktura nganing magkaharali an mga ulang na sakop na kan tinampo.


Saiyang sinabi na bakong mandato kan lokal na gobierno an road clearing operation envez sa DILG na dati nang pig-implementar sa administrasyon ni dating Presidente Rodrigo Duterte.


Mala ngani an evaluation asin validation yaon sa poder kan sinambit na ahencia.


An problema sa ibang barangay dai pa nahihiro alagad kun magpapabaya sinda an maatubang nin disciplinary action kan ahencia.


An trabajo sa RCO bako lang kan Punong Barangay alagad kabali digdi an mga Barangay Kagawad asin Sangguniang Kabataan.


An kampanya ini mandatory kan DILG asin mayo sa poder kan PSO maging kan LGU.


Naheheling sa ibang mga barangay kan ciudad na dakul pang mga ilegal na estraktura sa gilid kan tinampo an sagcod sa ngunian dai pa nakakarecibe nin patanid hale sa Barangay.


An RCOs sarong ‘nationwide ordered’ kan DILG na dapat iimplementar kan mga barangay asin seguradohon na magkaharali an ano man na ilegal na estraktura tanganing maseguro mailikay an mga motorista sa aksidente alagad an mga lokal na gobierno mandato na iimplementar an ley.

Comments


bottom of page